.
. .
Dori vositasi haqida

Хепилор ®

Og’iz bo’shlig’i va tomoqninig infeksion kasalliklari va yallig’lanish jarayonlarini mahalliy davolashda
Hozir buyurtma berish

Qo’llash uchun ko’rsatmalar

  • angina
  • o’tkir va surunkali tonzillit
  • faringit
  • laringit
  • gingivit
  • stomatit
  • aftlar
  • stomatologik amaliyotlardan keyingi og’iz bo’shlig’ining parvarishida
.

Хепилор – tomoqni davolashning uch tomonlama yo’li

  • 1 Antiseptik ta’sir
  • 2 Yallig’lanishga qarshi ta’sir
  • 3 Og’riq qoldiruvchi ta’sir
.
.
.

Qanday qo’llaniladi?

  • Kattalar va bolalarga 6 yoshdan boshlab
  • 10 ml suyuqlik 50 ml iliq suvga aralashtiriladi
  • Tomoqni kuniga 2 -4 mahal chayqaladi. Ichilmasin!
  • Davolsh kursi – 5 kungacha
  • Kattalar va bolalarga 6 yoshdan
  • Og’iz bo’shlig’ini tozalash uchun mahalliy qo’llaniladi
  • 6 yoshdan 15 yoshgacha: sutkada 1 sepishdan 2-3 mahal.
    15 yosh va undan kattalarga: sutkada 1 sepishdan 4-6 mahal
  • Davolash kursi – 5 kungacha

Препаратнинг савдо номи:

Хепилор®

Таъсир этувчи моддалар (ХПН):

гексетидин, 80% ли холин салицилати, хлорбутанол гемигидрати

Дори шакли:

оғиз бўшлиғи учун эритма

Таркиби:

100 мл эритма қуйидагиларни сақлайди:

фаол моддалар: 100% моддага қайта ҳисоблаганда 0,1 г гексетидин, 100% моддага қайта ҳисоблаганда 0,5 г 80% ли холин салицилати, 100% сувсиз моддага қайта ҳисоблаганда 0,25 г хлорбутанол гемигидрати;

ёрдамчи моддалар: 96% ли этанол, натрий сахарини, полисорбат 20, пропион кислотаси, лимон мойи, анис мойи, ментол (левоментол), эвкалиптол, тозаланган сув.

Таърифи:

тиниқ ёки енгил товланувчи, ўзига хос ҳушбўй ҳидли ва спирт-анис таъмли суюқлик.

Фармакотерапевтик гуруҳи:

Антисептиклар

АТХ коди:

R02АА20

Фармакологик хусусиятлари

Фармакодинамикаси

Дори воситасининг таъсири учта фаол ингредиентлари билан боғлиқ.

Антибактериал ва замбуруғларга қарши фаоллиги.

Гексетидин микроорганизмларнинг граммусбат ва грамманфий штаммларига, ҳам аэроб, ҳам анаэробларга нисбатан антибактериал таъсирга эга.

Аэроб штаммларга нисбатан асосан бактериостатик таъсирга эга, бактерицид таъсири  кучсиз. Анаэроб штаммларга нисбатан эса гексетидин яққол бактерицид таъсирга эга. Таъсир механизми тиамин билан рақобатли таъсирдан иборат: гексетидинни тузилиши микроорганизмларни ўсиши учун керак бўлган тиаминни тузилиши билан ўхшаш.

Яллиғланишга қарши фаоллиги.

Холин салицилати оғриқни қолдирувчи, иситмани туширувчи ва яллиғланишга қарши таъсирга эга. Оғиз бўшлиғи касалликларини даволаш учун.

Оғриқни қолдирувчи фаоллиги

Хлорбутанол оғриқни қолдирувчи таъсирга эга. Уни хусусан отоларингологияда (бурунга томчи, чайиш) ва стоматология амалиётида (аппликацияда ва ювишда) қўллаш мумкин. Классик антисептик сифатида қўллаш мумкин.

Фармакокинетикаси.

Фаол моддалари оғиз бўшлиғи шиллиқ қаватида мустаҳкам жойлашади, у ердан аста-секин чиқарилади.

 Қўлланилиши

Оғиз бўшлиғи инфекциясини маҳаллий даволаш. Стоматологияда операциядан кейин оғиз бўшлиғини парвариш қилишда қўлланилади.

Қўллаш усули ва дозалари

Оғиз бўшлиғини чайиш учун маҳаллий воситаси сифатида қўлланади.

Катталарга ва 6 ёшдан катта болаларга оғиз бўшлиғини бир марта чайиш учун эритмани ўлчов стаканига 10 мл ли белгисигача қуйилади ва 50 мл илиқ сувда эритилади ёки 2 чой қошиқ препаратни ¼ стакан илиқ сувда эритилади.

Суткада 2 дан 4 мартагача чайилади.

Ютиб юборилмасин.

Даволаш курси -5 кун.

Болалар

6 ёшгача бўлган болаларда қўлланилмасин.

Ножўя таъсирлари

Иммун тизими томонидан: ўта юқори сезувчанлик реакциялари, шу жумладан эшакеми, ангионевротик шиш, ларингоспазм, бронхоспазм.

Нерв тизими томонидан: агевзия, дисгевзия, таъмни ҳис қилишини 48 соат давомида ўзгариши (“ширинни” ҳис қилиш “аччиқни” ҳис қилишга ёки аксинча ўзгариши мумкин).

Нафас тизими, кўкрак қафаси аъзолари ва кўкс оралиғи томонидан: йўтал, ҳансираш.

Овқат ҳазм қилиш тизими томонидан: оғизни қуриши, дисфагия, сўлак безларини катталашуви, ютинганда оғриқ. Препаратни тасодифан ютиб юборилганда меъда-ичак йўллари томонидан бузилишлари, энг аввало кўнгил айниши ва қусиш пайдо бўлиши мумкин.

Тери ва тери ости клетчаткаси томонидан: аллергик контакт дерматит, тери реакциялари (тошма).

Умумий бузилишлар ва қўллаш жойидаги ҳолатлар: маҳаллий реакциялар – тишларни ва тил рангини қайтувчан ўзгариши; шиллиқ қаватни сезувчанилиги, хусусан: ачишиш, карахтланиш ҳисси; тил ва/ёки оғиз бўшлиғи шиллиқ қаватини таъсирланиши (оғриқ, қизиб кетиш ҳисси, қичишиш); сезувчанликни пасайиши; шиллиқ қаватни парестезияси; яллиғланиш; пуфакчалар; шиллиқ қаватда яраларни пайдо бўлиши; томоқда қичиши ҳисси; теккан жойида шиш, бурун/томоқ шиллиқ қаватини қуриши кузатилиши мумкин.

Қўллаш мумкин бўлмаган ҳолатлар

  • Дори воситасининг компонентларига ўта юқори сезувчанлик
  • атрофик фарингит;
  • бронхиал астма ёки уларнинг ўта юқори сезувчанлиги билан боғлиқ бўлган нафас йўлларининг бошқа касалликларида қўллаш мумкин эмас.

 Дориларнинг ўзаро таъсири

Антисептикларни сақловчи препаратлар билан бирга қўлланмасин.

Гексетидин бошқа ишқорий эритмалар билан фаолсизлантирилиши мумкин.

Махсус кўрсатмалр

Препарат этанол сақлаганлиги туфайли уни қўлланганда ютиб юбормаслик ва кўзга тушишидан сақланиш керак, чунки у этанол сақлайди.

Дори воситасини тутқаноғи бўлган пациентларга эҳтиёткорлик билан қўллаш лозим.

Препарат болаларда тутқаноқ бўсағасини камайтириши ва тиришишларни чақириши мумкин.

Аллергик реакцияларга, жумладан бронхиал астмага мойиллиги бўлган, айниқса ацетилсалицил кислотасига аллергияси бўлган пациентларга эҳтиёткорлик билан қўллаш лозим. Препаратга ўта юқори сезувчанлик реакцияларининг белгилари пайдо бўлганида уни қўллашни дарҳол тўхтатиш лозим.

Препарат этанол сақлаганлиги туфайли, уни жигар касаллиги бўлган пациентларга эҳтиёткорлик билан буюриш лозим.

Препаратни узоқ вақт қўллаш тавсия қилинмайди, чунки бактериялар ва замбуруғларни тарқалиш хавфи бўлган оғиз бўшлиғи ва томоқда табиий микроблар мувозанати ўзгариши мумкин.

Бактериал инфекциянинг умумий клиник белгилари пайдо бўлганида, умумий антибактериал даволашни буюриш лозим.

Агар симптомлар 5 кундан ортиқ давом этса ва/ёки тана ҳарорати юқори бўлса даволаш тактикасини қайта кўриб чиқиш лозим.

Яллиғланиш кучайса даволашни бекор қилиш керак.

Ҳомиладорлик ва лактация даврида қўлланиши

Гексетидинни одамларда йўлдош орқали кириши ва кўкрак сути билан чиқарилиши тўғрисида текширишлар йўқ, шунинг учун препаратни ҳомиладорлик ва эмизиш даврида қўллаш мумкин эмас.

Автомобилни ва мураккаб механизмларни бошқариш қобилиятига таъсири

Препарат этанол сақлайди. Ҳайдовчиларга препаратни қўллангандан кейин 30 минут давомида автомобилни бошқариш тавсия қилинмайди.

Дозани ошириб юборилиши

Дори воситасининг дозасини ошириб юборилиши ҳақида хабарлар тушмаган.

Оғиз бўшлиғида эритманинг етарли миқдорини сўрилиши натижасида таркибида этил спирти сақлаганлиги сабабли алоголли интоксикация келиб чиқиши мумкин.

Агар препаратни кўрсатма бўйича қўлланса, препаратда гексетидиннинг концентрацияси токсик ҳисобланмайди.

Ўткир алкоголли интоксикацияни пайдо бўлиш эҳтимоли жуда кам. Агар бола препаратни аҳамиятли даражадаги дозасини ютиб юборган бўлса, этил спиртини сақланганлиги сабабли алкоголли интоксикация пайдо бўлиши мумкин.

Аллергик реакцияларни пайдо бўлишига олиб келган гексетидинни ҳаддан зиёд қўллаш ҳоллари йўқ.

Дозани ошириб юборилишини даволаш симптоматик, ва кам ҳолларда зарур ҳисобланади.  Болани флаконнинг ичидагисини ютиб юбориши ҳолатларида дарҳол шифокорга мурожаат қилиш лозим. Ютиб юборилгандан кейин 2 соат давомида меъдани ювишни ўтказиш имкониятини ва алкоголли интоксикция белгиларини бартараф қилиш чораларини қайта кўриб чиқиш керак.

Чиқарилиш шакли

100 мл дан флаконда, 1 флакондан тиббиётда қўлланишига доир йўриқнома билан бирга қутида.

Сақлаш шароити

25оС дан юқори бўлмаган ҳароратда сақлансин. Музлатилмасин!

Болалар ололмайдиган жойда сақлансин.

Яроқлилик муддати

3 йил.

Яроқлилик муддати ўтгач қўлланилмасин.

Дорихоналардан бериш тартиби

Рецептсиз.

Ишлаб чиқарувчи

«Фармак» АЖ. Украина, 04080, Киев ш., Кирилловcкая кўчаси, 63.

 Ишлаб чиқарувчининг жойи ва фаолиятини амалга ошириш жойининг манзили

Украина, 04080, Киев ш., Кирилловская кўчаси, 74.

 Ўзбекистон Республикаси ҳудудида дори воситаларнинг сифати бўйича шикоятларни (таклифлар) ни қабул қилувчи ташкилот номи ва манзили:

«Фармак» АЖ нинг Ўзбекистондаги ваколатхонаси

100170 Ўзбекистон Республикаси, Тошкент ш., Мирзо-Улуғбек тумани, Зиёлилар кўч. 12а, 1/2

e-mail: info@farmak.ua

Тел: +998 (71) 235-77-13

Препаратнинг савдо номи:

Хепилор

Таъсир этувчи моддалар (ХПН):

гексетидин, холин салицилати, хлорбутанол гемигидрати

Дори шакли:

оғиз бўшлиғи учун спрей.

Таркиби:

1 мл спрей қуйидагиларни сақлайди:

фаол моддалар: 100% моддага қайта ҳисоблаганда 1 мг гексетидин, 100% моддага қайта ҳисоблаганда 5 мг 80% ли холин салицилати, 100% сувсиз моддага қайта ҳисоблаганда
2,5 мг хлорбутанол гемигидрати;

ёрдамчи моддалар: 96% ли этанол, натрий сахарини, полисорбат 20, пропион кислотаси, лимон мойи, анис мойи, ментол (левоментол), эвкалиптол, тозаланган сув.

Таърифи:

Пуркагич билан таъминланган, клапан-насосли флаконда жойлашган тиниқ ёки енгил товланувчи, ўзига хос хушбўй ҳидли ва спирт-анис таъмли суюқлик. Препарат флакондан пуркагич орқали аэрозол оқими кўринишида чиқарилади.

Фармакотерапевтик гуруҳи:

ЛОР аъзолари ткасалликларини даволаш учун восита (томоқ касалликларида қўлланадиган воситалар).

АТХ коди:

R02АА20.

 Фармакологик хусусиятлари

Фармакодинамикаси

Препаратнинг таъсири учта фаол ингредиентлари билан боғлиқ.

Антибактериал ва замбуруғларга қарши фаоллиги.

Гексетидин микроорганизмларнинг граммусбат ва грамманфий штаммларига, ҳам аэроб, ҳам анаэробларга нисбатан антибактериал таъсирга эга.

Аэроб штаммларга нисбатан асосан бактериостатик таъсирга эга эканлигини, бактерицид таъсири эса кучсиз эканлигини таъкидлаш лозим. Анаэроб штаммларга нисбатан эса гексетидин яққол бактерицид таъсирга эга. Таъсир механизми тиамин билан рақобатли таъсирдан иборат: гексетидинни тузилиши микроорганизмларни ўсиши учун керак бўлган тиаминни тузилиши билан ўхшаш.

Яллиғланишга қарши фаоллик.

Холин салицилати оғриқни қолдирувчи, иситмани туширувчи ва яллиғланишга қарши таъсирга эга. Оғиз бўшлиғи касалликларини даволаш учун буюрилади.

Оғриқни қолдирувчи фаоллигини хлорбутанол таъминлайди. Отоларингологияда (бурунга томчи, чайиш) ва стоматология амалиётида (аппликацияда ва ювишда) анестетик сифатида қўлланади.

Фармакокинетикаси

Фаол моддалар оғиз бўшлиғи шиллиқ қаватида мустаҳкам жойлашади, у ердан аста-секин чиқарилади.

 Қўлланилиши

Оғиз бўшлиғи ва ҳалқумнинг қуйидаги: ангина, ўткир ва сурункали тонзиллит, фарингит, ларингит; гингивит, стоматит, афтоз яралар каби инфекцион касалликларини ва яллиғланиш жараёнларини маҳаллий даволашда қўлланади.

Стоматологик аралашувлардан кейин оғиз бўшлиғини парвариш қилишда қўлланади.

Қўллаш усули ва дозалари

Оғиз бўшлиғини чайиш учун маҳаллий воситаси сифатида қўлланади.

Катталарга ва 15 ёшдан катта болаларга: 1 пуркашдан суткада 4-6 марта.

6 ёшдан 15 ёшгача бўлган болаларга: 1 пуркашдан суткада 2-3 марта.

Даволаш курси – 5 кундан ошмаслиги керак.

 Ножўя таъсирлари

Иммун тизими томонидан: ўта юқори сезувчанлик реакциялари, шу жумладан эшакеми, ангионевротик шиш, ларингоспазм, бронхоспазм.

Нерв тизими томонидан: агевзия, дисгевзия, таъмни ҳис қилишини 48 соат давомида ўзгариши (“ширинни” ҳис қилиш икки маротаба “аччиқни” ҳис қилишга ўзгариши мумкин).

Нафас тизими, кўкрак қафаси ва кўкс оралиғи аъзолари томонидан: йўтал, ҳансираш, томоқни қирилиши.

Овқат ҳазм қилиш тизими томонидан: оғизни қуриши, дисфагия, сўлак безларини катталашиши, ютинганда оғриқ. Препаратни тасодифан ютиб юборилганда меъда-ичак йўллари томонидан бузилишлари, энг аввало кўнгил айниши ва қусиш пайдо бўлиши мумкин.

Тери ва тери ости клетчаткаси томонидан: аллергик контакт дерматит, тери реакциялари (тошмалар).

Умумий бузилишлар ва маҳаллий кўринишлар: Маҳаллий реакциялар-  тишларни ва тил рангини қайтувчан ўзгариши, шиллиқ қаватни сезувчанилиги, хусусан –ачишиш, увишиш ҳисси, тил ва/ёки оғиз бўшлиғи шиллиқ қаватини таъсирланиши (оғриқ, қизиб кетиш ҳисси, қичишиш), сезувчанликни пасайиши, шиллиқ қаватини парестезияси, яллиғланиш, пуфакчалар, шиллиқ қаватида яраларни пайдо бўлиши, теккан жойида шиш, бурун/томоқ шиллиқ қаватини қуриши.

Бирон-бир нохуш реакциялар пайдо бўлганида препаратни қўллашни тўхтатиш ва шифокорга мурожаат қилиш лозим.

 Қўллаш мумкин бўлмаган ҳолатлар

Препаратнинг ҳар қандай компонентларига ўта юқори сезувчанлик. Атрофик фарингит. Бронхиал астма ёки уларнинг ўта юқори сезувчанлиги билан боғлиқ бўлган нафас йўлларининг бошқа касалликларида қўллаш мумкин эмас.

 Дориларнинг ўзаро таъсири

Антисептик сақловчи препаратлар (бошқа антисептик дори воситалари билан ўзаро таъсири бўлиши мумкин) билан бирга қўлланмасин. Гексетидин бошқа ишқорий эритмалар билан фаолсизлантирилиши мумкин.

Махсус кўрсатмалар

Препарат этанол сақлаганлиги туфайли, уни қўлланганда ютиб юбормаслик, кўзга тушишидан сақланиш, жигар касалликлари бўлган пациентларга эҳтиёткорлик билан буюриш керак.

Препаратани тутқаноғи бўлган пациентларга эҳтиёткорлик билан қўллаш лозим. Препарат болаларда тутқаноқ бўсағасини камайтириши ва тиришишларни чақириши мумкин. Аллергик реакциялари бўлган пациентларга эҳтиёткорлик билан  қўллаш лозим.

Левоментол бўлганлиги туфайли болаларда ларингоспазмни пайдо бўлиш хавфи мавжуд.

Препаратни узоқ вақт қўллаш тавсия қилинмайди, чунки бактериялар ва замбуруғларни тарқалиш хавфи бўлган оғиз бўшлиғи ва томоқда табиий микроб-мувозанати ўзгариши мумкин.

Бактериал инфекциянинг умумий клиник белгилари пайдо бўлганида, умумий антибактериал даволаш кўзда тутилган бўлиши керак.

Агар симптомлар 5 кундан ортиқ давом этса ва/ёки тана ҳарорати юқори бўлса, яллиғланиш кучайса препарат билан даволашни тўхтатиш ва даволаш тактикасини қайта кўриб чиқиш лозим.

Ҳомиладорлик ёки эмизиш даврида қўлланиши

Гексетидинни одамларда йўлдош орқали кириши ва кўкрак сути билан чиқарилиши тўғрисида тадқиқот маълумотлари йўқ, шунинг учун препаратни ҳомиладорлик ёки эмизиш даврида қўллаш мумкин эмас.

Болалар

6 ёшдан ошган болаларда қўлланади.

Автотранспортни бошқарганда ёки бошқа механизмлар билан ишлаганда реакция тезлигиги таъсир қилиш қобилияти

Препарат этанол сақлайди. Ҳайдовчиларга препаратни қўллангандан кейин 30 минут давомида автомобилни бошқариш тавсия қилинмайди.

 Дозани ошириб юборилиши

Хепилор оғиз бўшлиғи учун эритмаси этил спиртини сақлаганлиги ва уни етарли миқдорда сўрилиши сабабли алкоголли интоксикация пайдо бўлиши мумкин.

Агар препаратни кўрсатма бўйича қўлланса, Хепилор оғиз бўшлиғи учун эритмасидаги гексетидиннинг концентрацияси токсик ҳисобланмайди.

Ўткир алкоголли интоксикацияни пайдо бўлиш эҳтимоли жуда кам. Агар бола препаратни аҳамиятли даражадаги дозасини ютиб юборган бўлса, этил спиртини сақланганлиги сабабли алкоголли интоксикация пайдо бўлиши мумкин.

Ўта юқори сезувчанлик реакциясига олиб келган гексетидинни ҳаддан зиёд қўллаш ҳоллари йўқ.

Даволаш: симптоматик. Бола флакон ичидагини ютиб юборган ҳолларда дарҳол шифокорга мурожаат қилиш лозим. Ютиб юборилгандан кейин 2 соат давомида меъдани ювишни ўтказиш имкониятини ва алкоголли интоксикция белгиларини бартараф қилиш чораларини кўриб чиқиш керак.

 Чиқарилиш шакли

20 мл дан ёки 50 мл дан флаконларда. 1 флакондан қутида.

Сақлаш шароити

Оригинал ўрамида, 25оС дан юқори бўлмаган ҳароратда сақлансин. Музлатилмасин.

Болалар ололмайдиган жойда сақлансин.

Яроқлилик муддати

3 йил.

Ўрамида кўрсатилган яроқлилик муддати ўтгач препарат ишлатилмасин.

Дорихоналардан бериш тартиби

Рецептсиз.

 Ишлаб чиқарувчи

“Фармак” ЖАЖ

Ишлаб чиқарувчининг жойлашган жойи ва уни фаолият кўрсатиш манзили

Украина. 04080, Киев ш., Фрунзе кўч., 74.

Ўзбекистон Республикаси ҳудудида дори воситаларининг сифати бўйича эътироз (таклифлар) ни қабул қилувчи ташкилот ҳақида маълумот

“Фармак” ЖАЖ нинг Ўзбекистон Республикасидаги ваколатхонаси

100000, Тошкент ш., А.Қодирий кўч., 39.

Тел./факс: 235-77-13, 235-67-05.

Qayerdan harid qilsa bo’ladi?

Dori vositasini dorixonadan so’rang yoki qulay onlayn qidiruvdan hoziroq foydalaninig

Bilish foydali

Tomoq og’riyaptimi? Nima qilish kerak? .

Tomoq og’rig’inig eng ko’p tarqalgan sababi – infeksiya (viruslar va bakteriyalar) ta’sirida yuzaga keluvchi o’tkir faringit (halqum va bodomsimon bezlar shilliq qavatlarining yallig’lanishi).

Faringitda og’riqdan boshqa eng ko’p uchraydigan belgilar:

  • tomoqning qichishishi va qurishi
  • ovoz bo’gilishi
  • tana haroratinig ko’tarilishi
  • bo’yin limfa tugunlarining kattalashishi

Faringitning erta davosi muammoni to’liq bartaraf etilishini kafolatlaydi, lekin kasallik o’tqizib yuborilgan holatda, ko’rinishidan bezarardek bo’lgan kasallik surunkali shaklga o’tishi va boshqa a’zolarda (yurak, tomirlar, bo’g’imlarda) muammolar kelib chiqishiga sabab bo’lishi mumkin.
Hozirda faringitni davolashda LOR shifokorlar amaliyotda keng qo’llaydigan preparat – Хепилор va uning tarkibiga quyidagilar kiradi:

  • xlorbutanol gemigidrat – tomoqdagi og’riqni sanoqli soniyalarda qoldiradi
  • xolin salitsilat – qizarish va shishni bartaraf qiladi
  • geksitidin – virus, bakteriya va zamburug’larga qarshi antiseptik ta’sirga ega
  • limon va anis moyi, levomentol va evkaliptol – tomoq og’rig’i surunkali va asoratli rivovojlanishining oldini oladi.
Tishlarni tozalashda va taomlanishdagi qonashishlar .

Gingivit – tish-milk birikmasi butunligi buzilmasdan kechuvchi milkning yallig’lanish jarayoni.

Parodontitdan farqli ravishda patologik protsess faqat milkning o’zida kechadi. Biroq bu kasallikning qanchalik havotirli ekanini kamaytirmaydi – davolanmasa yallig’lanish jarayoni chuqurroq to’qimalarga kirib borishi mumkin va u holatda tishlarning tushib ketishi havfi bor. Gingivitlar simptomi darajasi bilan aniqlanadi.

Kasallik quyidagi belgilar bilan boshlanishi mumkin:

  • Milklarning shishishi, qizarishi va bo’shashib qolishi;
  • Qon-tomirlar mo’rtligi hisobiga to’qimalar sezuvchanligining oshishi, tish tozalanganda va taomlanganda qonashi;
  • Chaynaganda va teginganda og’rishi;
  • Og’izdan yoqimsiz hid kelishi.

Gingivitning davosi preperatlarni turli shakllarda qo’llanilishini o’z ichiga olishi mumkin. Antiseptik asosli, og’izni chayqab davolovchi vositalar bir vaqtning o’zida ikkita muammoni hal qilishga imkon beradi: ovqat qoldiqlarini va bakterial karashlarni mexanik tozalaydi, hamda doridagi faol moddalarni yallig’langan to’qimaga yetkazib beradi.

Ko’p tarkibli Хепилор preparati nafaqat yallig’lanishni davolaydi, balki og’riq qoldiruvchi, shishga qarshi, qichishishga qarshi ta’sirlarga ham ega.

Yutinganda tomoqda og’riqmi? .

Keng tarqalgan tomoq og’rig’i simptomi ko’pchiligimizga tanish. Odatda bunday simptomlar bizda shamollashda kuzatiladi, hamda shu bilan birga boshqa kasalliklar bilan ham bog’liq bo’lishi mumkin.

Kam holatlarda yutinishdagi tomoq og’rig’i allergik reaksiyalar, qalqonsimon bez kasalliklari, xiqildoq va halqumning onkologik kasalliklari belgilari bo’lishi mumkin.
Tomoq og’rig’i simptomi eng ko’p virusli, bakteriyali va zamburug’li infeksiyalarda kuzatilib, quyidagi burunxalqum va xiqildoq yallig’lanishlarini keltirib chiqaradi:
Faringit;
Laringit;
Tonzillit (yoki angina).

Хепилор o’zinig universal tarkibi sabab keng spektrli ta’sirga ega va hech bir infeksion agentga imkoniyat qoldirmaydi.

Хепилор tarkibiga kiruvchi Xlorbutanol gemigidrat tomoqdagi og’riqni sanoqli soniyalarda qoldiradi.

.

Kontaktlar

Ishlab chiqaruvchi AJ “Farmak” (Ukraina)

AJ “Farmak” ning O’zbekistondagi
Vakolatxonasi

Toshkent sh. Ziyolilar ko’chasi 12A/1-2 uy
+998 71 235 77 13 info@farmak.ua
Хепилор
Qayerdan harid qilsa bo’ladi?